有消息話建制派議員已經係立法會standby，等主席梁君彥決定開會時間。但程序上梁君彥決定開會時間時，應該要預足夠、合理時間俾立會秘書處通知全體議員，係正常情況下，係唔可以玩突襲。
但由於立會秘書處聽曬政府話，加上今次咁大爭議，我擔心佢地連基本既程序正義都唔守，特事特辦大幅縮短通知時間加主席剪布快速表決，殺大家一個措手不及。
長期守住立法會消耗太大，但我諗大家首先要緊貼消息，其次好在就到暑假，甚至大學都sem break緊。今次真係要靠議員到時盡量爭取時間，以及學生做快速反應部隊，可能有條件既學生朋友組個快速反應谷。至於要返工既朋友，請隨身帶備一個示威包。只要守到下午甚至放工時間，返工既朋友一定會黎支持。
Search